СЕЛЬХОЗНАЛОГ ЙЫЛЫСЬ

Мӧскуа. Апрель 10-ӧд лунӧ финансӧвӧй сӧвещанньӧ заседанньӧ вылын вӧлі доклад сельхозналог реформа план йылысь. Докладсӧ вӧчис СССР-са Совнаркомӧн сельхозналог йылысь нарошнӧ лӧсьӧдӧм комиссия. Сельхозналог план комиссия лӧсьӧдӧма со кыдзи: колӧ видз-му плӧщадьсӧ лыддьыны сымда, мыйта вӧлі кӧдзӧма 1924 воын, урожайсӧ босьтісны кольӧм куим вося урожайяс серти, донсӧ (цены) 1923 вося август−февраль тӧлыссяясӧс. Доходсӧ видз-му уджалӧмысь шуисны лыддьыны 6 миллиард 28 миллион шайт. Планын шуӧма: налог лӧсьӧдан уджсӧ пӧ нуӧдны сідзи, медым май тӧлысь помасигкежлӧ крестьяна вермисны нин тӧдны, мыйта найӧ кӧзяйствоысь кутас босьтсьыны налогыс.