ОЗ КОВ РАЗӦДЧЫНЫ

Кӧрткерӧсын (Кулӧмдін уездын) пионер чукӧр кутіс разавны. 47 пионер пиысь коли сӧмын 36 морт. Удж на костын ньӧти оз мун. Юралысьыс велӧдӧ сӧмын сьывны. Гимнастикаӧ ни, политграмотаӧ ни оз велӧдны. Звеноас удж нуӧдысьыс велӧдӧ сӧмын кабалаысь чачаяс вӧчавны. Эм ичӧтик библиотека. Пионеръяс сэтысь став нига коркасӧ косявлісны. Важ юралысьыс С. П. ӧні нинӧмӧн оз отсав, весиг оз видзӧдлы уджалӧм вылас. Пионеръяс татшӧм уджсьыд дӧзмӧмаӧсь нин, кӧсйӧны петны пионер чукӧрысь. Укоммоллы колӧ шыасьлыны та йылысь, индыны туй — велӧдны уджавны пионер чукӧрын.

Скиталец.