САДУЛЬӦС МЫЖТӦМТӦМ НИМКОДЬ ЙӦЗЛЫ

Орлеан. Садульӧс суд мыжтӧмтіс (правдайтіс). Суд вылын суддяяс костын та йылысь юалӧм вӧлі со кыдзи: эм абу Садульлӧн дезертиралӧм мыжыс, мыжа абу сійӧ ӧтвыв францияса посольствокӧд Россияысь петтӧмысь, сылы сідзи вӧлі тшӧктӧма вӧчны да. Дзонь час сёрнитӧм мысти суд дзоньнас шуис: дезертиралӧм мыж пӧ Садульлӧн абу. Россияысь посольствокӧд петтӧмысь нёль суддя мыжтӧмтісны, куимӧн мыжалісны. Суд вылын кывзысь йӧзлы нимкодь лои Садульӧс мыжтӧмтӧм. Мыйӧн судитанінысь Садуль петіс ывла вылӧ, сійӧс чествуйтӧм кузя йӧзыс вӧчисны манифестация.