ПОШТА КУД

Иван Кирӧлы. Кулӧмдін. «Гӧрд армиялы сизим во тыран лун празднуйтӧм» гижӧдыд ёна сёрмис. Сы понда газетын эгӧ лэдзӧй.

Биа ньӧвлы. Зеленеч. Нывбаба лун йывсьыд гижӧдтӧ газетын эгӧ лэдзӧй. Сійӧ ёна сёрмис, дай сы йылысь быдласянь уна гижлісны.

Вичкодорсалы. Ыб. Мыжъяс вӧчӧм йылысь газетӧ гижны позьӧ, сӧмын бура тӧдмалӧм бӧрын, кор мыж вӧчысьсӧ дзикӧдз нин тӧдӧны. Сы понда тэнсьыд гижӧдтӧ газетын эгӧ лэдзӧй.

Паджгаса том нывлы. Ӧстап Педӧр йывсьыд газетӧ оз мун. Сэтшӧм кӧ сійӧ омӧль морт — колӧ «велӧдны» асланыд милиция пыр.

А. М. Чумановлы, Волся. Газетӧ комиӧн гижны тэ кужан, сӧмын колӧ гижны кыдз позьӧ дженьыда да ӧтар лист бокас. Гиж водзӧ, мый шогмыны кутас — газетын лэдзам.