БАГИНСКӦЙӦС ВЕЧЕРКЕВИЧКӦД ВИӦМ ЙЫЛЫСЬ

Чичерин ёртлӧн гижӧд Польшалы

МӦСКУА. Апрель 2-ӧд лунӧ Ортсыса удж нуӧдысь Комиссар (Наркоминдел) Чичерин ёрт ыстӧма Польшаса посоллы гижӧд (нота). Сэні шуӧма: Багинскӧйӧс да Вечеркевичӧс Польшасянь Россияӧ локтігкості эз тӧдлытӧг вины. Сідзи вины некутшӧм ногӧн вӧлі оз позь. Чичерин ёрт Сӧветса правительство нимсянь татшӧм лёк вӧчӧмысь ыстӧ чорыд протест. Сэсся Чичерин ёрт тшӧктӧ юӧртны Польшаса правительствоӧс: Польшаса правительство пӧ ассьыс кӧсйысьӧмсӧ нарушитіс. Сы понда пӧ ӧні Сӧветса правительство кутас аслас законъяс серти вӧчны мукӧдъясыскӧд, кодъясӧс вӧлі лӧсьӧдӧма ыстыны Польшаӧ (вежӧм вылӧ).