СЮСЬ САМӦКУР ПУЫСЬЯС

(Сюзяыб, Кулӧмдін уездувса Висер вӧлӧсьтын)

Миян Сюзяыб сиктын эм кык ныв: Габӧ Ёгор Степа да Трӧпӧ Марпа. Найӧ самӧкур пуӧм да вузалӧм вылын и олӧны. Неважӧн ӧти дӧваӧс кутісны нин, сӧмын нинӧм на ӧнӧдз сылы эз ло (ог тӧд, мыйла). Ӧні сэсся ошйысьӧны: ми пӧ ӧд сюсьӧсь, миянлысь пӧ нинӧм оз вермыны корсьны.

Сюсьӧсь и эм: кор волісны кутны, налӧн нинӧм эз и сюр — дерт, буракӧ, налы том йӧз водзвыв висьталісны.

Степаыс пӧрыськодь нин, ар 40 кымын, а век на зонъясасьӧ. Зонмыд, гӧтыра кӧть гӧтыртӧм — сылы веськодь. Колӧ жӧ нин эськӧ вежӧрсявны, да век тай йӧйталӧ.

Милициялы колӧ тайӧясӧс шоблыны бурджыка да петкӧдлыны выль закон. Мед кокни нажӧтка вылӧ оз ыштыны.

Аддзысь.