МАШИНАЯС КОЛӦ ДӦЗЬӦРИТНЫ. ЙӦЗӦС ЫЛӦДЛЫНЫ АБУ ЖӦ ЛӦСЬЫД

Кӧрткерӧсса волисполком кыкысь юӧртіс крестьянаӧс — позьӧ пӧ весавны кӧйдыс прокатнӧй пунктса машинаӧн.

Кодсюрӧ ваялісны кӧйдыстӧ сортируйтны. Сӧмын вӧлӧмакӧ Исполкомыдлӧн машинаыс лӧсьӧдтӧм на, лёк сайникын куйлӧ, быдсӧн лымйӧн тырӧма, йизьӧма, ставыс сімӧма некор весавлытӧмысла, торъясыс кутшӧмсюрӧ вошласьӧма, весиг ключыс абу.

Дерт нин, татшӧм машинанад кӧйдыстӧ весалан! Крестьяналы сідзи и лои бӧр весавтӧм кӧйдысӧн гортӧ мунны.

Исполкомлы эз ков ылӧдлыны тадзи йӧзӧс. Машинасӧ колӧ бурджыка дӧзьӧритны, мед кӧть дзикӧдз оз тшык.

№ 5.