ТРОЦКӦЙ ЁРТ МЯСНИКОВ, МОГИЛЕВСКӦЙ ДА АТАРБЕКОВ ЁРТЪЯС ЙЫЛЫСЬ

Сухуми. Март 27-ӧд лунӧ Сухумскӧй Горсоветлӧн вӧлі казьтылан (траурнӧй) заседанньӧ. Мясников да, Могилевскӧй да, Атарбеков ёртъяс казьтыштӧм кузя кыв висьталіс Троцкӧй ёрт. Троцкӧй шуис: тайӧ куим ёртъясыс мунісны миян дінысь зэв на томлунӧн, джын нэмнаныс. Найӧ эськӧ уна на вермисны вӧчны водзын. Тайӧ ёртъяс пӧвстын Мясников ёрт вӧлі медпӧрысь арлыднас, ас уджнас. Троцкӧй ёрт висьталіс дженьыдика олӧм йывсьыс (биографиясӧ) кулӧм ёртъяслысь, висьталіс сёрнитӧмъяссӧ накӧд аддзысьлывлігас. Сэсся шуис: тайӧ ёртъясыс асланыс уджнас петкӧдлісны кужанлунсӧ, ёна тӧданлунсӧ, вермисны сетны мый колӧ вӧлі уна пӧлӧс кывъя Закавказье Республикаса йӧзлы. Закавказье уджалысь йӧз кӧ кужисны босьтны ас кианыс власьт, найӧ босьтісны сійӧ власьтсӧ, медым нуӧдны удж, кодъяс ми ставным нуӧдам: бурмӧдны овмӧссӧ, кыпӧдны культура уджалысь йӧзлысь, ӧтвыв ставнымлы лӧсьӧдны татчӧ гажаин, дзоридзьяс тыра сад. Сэтшӧм садъяс кӧ ми асьным огӧ удитлӧй олыштны, оласны миян челядь. Тайӧ уджыс лоӧ медыджыд памятникӧн кулӧм ёртъяслы: Мясниковлы, Атарбековлы, Могилевскӧйлы.