СЕЛЬСКОКӦЗЯЙСТВЕННӦЙ ТӦВАРИЩЕСТВО ГАГШОРЫН

(Сыктыв уездын)

Сыктыв уездын Палаззя вӧлӧсьтын эм Гагшор деревня. Сэні ставыс 93 керка. Крестьяна уджалӧны видз-му да асланыс во гӧгӧрнас нянь тырмытӧмнысла унджыкыс уджалӧны ещӧ кер бердын.

Колян во август тӧлысьын воссис сельскокӧзяйственнӧй тӧварищество. Тӧвариществоыс вӧчис дьӧгӧдь да сир пуан заводъяс. Сэні жӧ вӧчӧны вӧлі скипидар. Заводъяс заводитлісны уджавны колян во арнас. Сӧмын уджавны босьтчӧм мыстиыс регыд заводъясыс сотчисны. Сотчис тшӧтш сарайыс, кӧні вӧлі видзӧны дьӧгӧдьсӧ да сирсӧ. Сотчӧм бӧрын кольлі сӧмын кык казал (ыджыд сир вӧчан кӧрт пачьяс). Тӧварищество да крестьяна сотчӧм бӧрти зэв зіля босьтчисны выльысь лэптыны заводъяс. Вӧчисны регыдӧн. Ӧні заводъяс бара зэв бура босьтчисны уджавны. Неважӧн судзӧдісны куим выль казал. Позьӧ надейтчыны — удж ещӧ ёна кутас мунны водзӧ.

Тӧвариществоын ӧні ставыс 54 шлен. Зільӧны судзӧдны видз-му уджалан машинаяс. Удж нуӧдысьыс тӧвариществоын Гагшорса школаын велӧдысь Карманов ёрт.

Сысолин.