КӦРТКЕРӦСЫН
(Кулӧмдін уездын)
Сельхозналог вӧлӧсьтысь вӧлі колӧ ставыс 2.238 шайт да 8 ур. Ӧні, март 15 лунӧдз, чукӧртӧма 80% гӧгӧр. Страхӧвӧй чукӧртӧма пӧшти ставсӧ нин (98% кымын). Налог мынтыны крестьяна бура зільӧны.
Кредитнӧй тӧвариществоын ӧні 365 шлен. Шленъясыс Кӧрткерӧсса, Маджаса, Визябӧжса, Пезмӧгса да Позтыса крестьянаяс. Кык воӧн сьӧм сетӧма крестьяналы 11.650 шайт. Сэсся вузалӧма 56 плуг. Сьӧм ӧні эм 17.238 шайт. Сэсся ӧні удждӧма Комисельбанкысь 11.894 шайт да 94 ур.
Потребительскӧй общество вӧчис кирпич сарай. Сы вылӧ петіс 168 шайт да 50 ур.
Гырысьӧс велӧданінын ӧні велӧдчӧны 50 морт: 12 арӧссянь 16-ӧдз. Велӧдчыны волывлӧны омӧля.
Лыддьысян керка сӧмын на кӧсйӧ босьтчыны удж вылӧ. Важ уджалысьыс Барабанов ёрт кӧсйис эськӧ сувтӧдны лыддьысян керка, да сідзи и коли. Ӧні выль уджалысь. Сы дырйи удж босьтчыныджык кутіс. Быд вежонын овлӧ спектакъяс. Овлӧны корсюрӧ кружкӧвӧй заняттьӧяс. Библиотекаысь нига лыддьӧны ёна. Ӧні воисны зэв бур нигаяс.
Вӧлӧсьтӧ воӧны вель уна сикас газетъяс да журналъяс: «Югыд туй»,
Спира Прокӧ.
