РАБОЧӦЙЯС КОЛЛЬӦДІСНЫ АССЬЫНЫС ВИӦМ ЁРТЪЯССӦ

Пӧлича найӧс эз вермы разӧдны

Варшава. Домбровын вӧлӧма зэв ыджыд демонстрация рабочӧйяслӧн. Демонстрациясӧ вӧчӧмаӧсь кык рабочӧйӧс (горнякъясӧс) дзебны лӧсьӧдӧм лунӧ. Тайӧ кык рабочӧйыс вилісны провокатор Каминскӧйӧс, да сы вӧсна найӧс кыкнаннысӧ польшаса пӧлича пӧдтіс виан газӧн (удушливыми газами). Тайӧ рабочӧйяссӧ (польшаса газетъясын гижӧны найӧс «коммунист-бандитъясӧн») дзебны лӧсьӧдӧм лунас асывводзсянь заводитісны быдласянь локтавны дзебанінас рабочӧйяс, чукӧрмис 30 сюрс морт гӧгӧр. Пӧлича повзис рабочӧйяс шызьӧмысь да дзебӧмсӧ дугӧдіс. Сэсся пӧлича войнас гусьӧн дзебис. Тайӧ дзебӧм вылас чукӧрмыліс 3 сюрс рабочӧй. Пӧлича эськӧ заводитліс найӧс вӧтлавны, да эз вермы. Рабочӧйяс ассьыныс виӧм ёртъяссӧ колльӧдісны кладбище вылӧдз.