КОМИНТЕРНЛӦН ПЛЕНУМ

Мӧскуа. Коминтерн Исполком пленумлӧн вӧлі мӧд заседанньӧ (мӧдысь чукӧртчылӧм). Пленум казьтыліс кулысь ёртъясӧс: Владимировӧс, Мархлевскӧйӧс, Мясниковӧс, Атарбековӧс да Могилевскӧйӧс.

Гомель губерняувса крестьянасянь делегатъяс сетісны Коминтерн Исполкомлы знамя. Исполком нимсянь кыв висьталіс крестьяналы Семар ёрт. Сы бӧрын Зиновьев ёрт вӧчис доклад ставмувывса государствояс костын олӧм йылысь, висьталіс, мый колӧ вӧчны коммунист партиялы да кыдзи пӧртны сійӧс большевик партияӧ (большевизация). Доклад вылӧ петігӧн Зиновьев ёртӧс ёна ыдждӧдлісны (вӧчисны овация).