ПАДЖГАЫН (СЫКТЫВ УЕЗДЫН)

Медвойдӧр поплы.

Паджгаын олӧны лёка. Сретенньӧ лунӧ вичкоын вӧлі собранньӧ веруйтысьяслӧн. Сёрнитісны, кыдзи попӧс налогысь мездыны. Ставныс шуисны поплысь налогсӧ мынтыны обществоӧн медвойдӧр, медым поплы эз сюйны ещӧ содтӧд — пеня.

Юӧны самӧкур.

Оз вунӧдны и самӧкуртӧ. Пуӧны-юӧны ёна, весиг нывбабаяс. Ӧтчыд вӧлі Вердысь Петыр дінӧ лым вылас гатшӧн усьӧма Ларӧ Якӧ Ёгор гӧтыр (Парӧ), матькӧ да горзӧ: «Некодысь ме ог пов! Юи кӧ, ме аслам йӧртӧдысь юи, некодлы сэтчӧдз абу могыс!»

Мужикыс сылӧн заводын нажӧвитчӧ, уялӧ-собалӧ пес чурка дорын. Бура тай гортас гӧтырыс кӧзяйничайтӧ, нинӧм шуны!