ВЫЛЬ ОЛӦМӦ!

Кӧджпомын (Кӧдзвыв вӧлӧсьтын, Сыктыв уездын) март 8-ӧд лунӧ нывбабаяс ассьыныс праздниксӧ коллисны бура. Рытнас вӧлі доклад. Сы бӧрти спектак сувтӧдісны — «Выль олӧмӧ». Видзӧдысьыс вӧлі керка тыр. Спектак помасьӧм бӧрын ворсісны. Ӧткымын нывбаба чорыда кутчысьӧны выль олӧмӧ. Кӧсйӧны удж кежлӧ лӧсьӧдны ясли. Эмӧсь мӧдарӧ видзӧдысьяс. Шуасьӧны: тіян мырсьӧмыд пӧ бурсӧ нинӧм оз вай, сӧмын пӧ висьталысьясыд ылӧдлӧны. Ёна нин пӧ долисны миянлы. Энӧ кывзӧй, водзмӧстчысь нывбабаяс, татшӧмъясыслысь сӧрӧмнысӧ, зільӧй бурлань, выль олӧмлань!