ПАРИЖСА КОММУНА ЛУН МӦСКУАЫН

Мӧскуа. Март 18-ӧд лунӧ Дом Союзовын вӧлі собранньӧ Парижса Коммунаӧс казьтылӧм кузя. Вӧліны сэні коммунистъяс, уджалысьяс союз республикаысь, делегатъяс йӧз государствоса уджалысьяссянь.

Парижса Коммуна йылысь уна висьталіс Луначарскӧй ёрт. Германияса компартиясянь, МОПР секциясянь да Коминтерн Исполкомсянь чолӧмбыттьӧ кыв висьталіс Кац ёрт.

Собранньӧ вылас веськалӧма Парижса Коммуна дырся олысь — 80 арӧса дзор старик. Сійӧ висьталіс собранньӧлы, кыдзи нуӧдісны найӧ ыджыд кось ас кианыс власьт босьтігӧн да Парижса Коммуналысь олӧм-вылӧмсӧ. Коммунарлӧн овыс — Сажин.

Францияса компартиясянь чолӧмбыттьӧ висьталіс Кашен ёрт.

Делегация ЦК РКП-сянь да МК МОПР-сянь сетіс французскӧй делегациялы зэв мичаа рисуйтӧм знамяӧн. Французскӧй делегатъяссянь вочакыв шуис Марти ёрт.

Германияса комсомолысь делегатыс сетіс собранньӧлы фашистъяслысь знамя, кодӧс вӧлі мырддьӧмаӧсь косясигӧн. Сэсся Домбаль ёрт висьталіс Польшаса Сеймысь (государств. думаысь) депутатӧс — Ланцуцкӧйӧс — судӧ сетӧм йылысь.

Собранньӧ шуис шыӧдчыны ставмувывса рабочӧйяс да крестьяна дорӧдз казьтыштны налы: Парижса Коммуна дырйи виӧм йӧз дінӧ содӧны лунысь лунӧ выль виӧм войтыр. Он куж висьтавны, кыдзи мучиталӧны тюрмаясын мездлун корсьысьясӧс, сісьтӧны, лыйлӧны... Кымынӧн виисны асьныс асьнысӧ сьӧкыд олӧмысла: эз тырмы налӧн терпенньӧыс нуӧдны мукасӧ помӧдзыс. МОПР-лы колӧ отсасьны тайӧ мученикъяслы.