КУЛӦМА СССР-са ЦИК-лӧн ПРЕДСЕДАТЕЛЬ Н. К. НАРИМАНОВ

МӦСКУА. СССР-са правительство юӧртӧ: март 19-ӧд лунӧ 8 час. 30 мин. рытнас друг кулі (разрыв сердца) Ставреспубликаса ЦИК-лӧн председатель Нариманов ёрт.

Нариманов ёртлӧн чужаніныс Кавказ, Тифлис кар. Чужӧма сійӧ 1870-ӧд воын. Йӧз кост революционнӧй удж бердӧ кутчысьӧма велӧдчигас на, студенталігас. Велӧдчӧма Новороссияса университетын.

1905ʼ воын Бакуын восьтӧма медводдза персидскӧй социал-демократическӧй организация. Сизим тӧлысь тюрмаын пукӧдӧм мысти Нариманов ёртӧс Кавказсьыс ыстӧмаӧсь 5 во кежлӧ.

Ёна заводитчӧ уджавны Нариманов ёрт 1919ʼ восянь. 1920-ӧд воӧ бӧрйӧны сійӧс юралысьӧ Ревкомӧ, сэсся юралысьӧ Азербайджанса Народнӧй Комиссаръяс Сӧветӧ. Вӧлі сійӧ и Генуяын, кор муніс сэні конференция. Бӧрынджык бӧрйисны юралысьӧ Совнаркомӧ Закавказьеын да юралысьӧ СССР-са ЦИК-ӧ (юралысьыс сэні 4 морт). Кувтӧдзыс сэсся пыр сэні и уджаліс.

Политика удж нуӧдӧм кындзи Нариманов ёрт 25 во чӧж уджаліс ещӧ нигаяс, газетъяс вылын. Сылӧн эм уна бур гижӧдъяс.