* * *

Тэа-меа — паськыд юлӧн берегъяс.
Тэныд паныд сулавны ме шуда!
Кадыс йӧткӧ лунъяс ӧти чередӧ,
Олӧм-пыжыс юсӧ шӧри вундӧ.
Матыстчыны енмыс эз сет позянлун,
Кӧть и ваыс ляпкалас да косьмас.
Ловъяснымӧс ӧта-мӧдлы козьналім,
Код тӧдас, кор гыыс найӧс босьтас.
Войын эзысь кодзувъяс кӧ чусмӧны,
Гӧгӧр ставсӧ эжӧ помтӧм чӧвлун.
Вой бобулӧн ыста тэныд муслунӧс,
Воча окыштӧмӧн воас тӧвру.
Тэа-меа некор нин ог торъялӧй.
Кыа петӧм вочаалам ӧтув.
Муслун йылысь ог ме висьтав гораа,
Медым некод та йылысь эз тӧдмав.
Лӧньӧмыд да нимкодясян-видзӧдан,
Кыдз ме дзоридзала таладорын.
Топыда ми ӧтлаасим-йитчим, да
Ылна-костыс йитӧдсӧ оз орӧд.