* * *

Мӧдар берегас кыкӧн вуджам:
ме да вуджӧр.
Юлӧн веркӧсті сійӧ шлывгӧ,
а ме пыжын.
Вуджӧр кывзысьтӧм, кыдз нӧ сійӧс
видзны кужан?
Шонді югӧрас меысь кык пӧв
лолас ыджыд.
Дэбыд ванас мыська
гожъялыштӧм чужӧм.
Мӧдар берегас некод миянӧс
оз виччысь...
Пыжӧс некод оз домав,
воча ки оз нюжӧд...
Весиг пышйӧдӧм пыжысь некоді
оз видчы.
Некод сьӧлӧм дой аслас кыв вылӧ
оз вуджӧд —
Татшӧм дивӧыд овлӧ олӧм чӧжнад
ӧтчыд.
Мӧдар берегас кыкӧн вуджим:
ме да вуджӧр.
Кодкӧ эновтӧм берег вылын
кинас ӧвтчӧ...