* * *

Босьт, шуӧ, гезсӧ да лок,
Тэнад олӧмыд гудыр и лёк.
А ме кывзыны сійӧс ог кӧсйы,
А ме пельясӧс тупка: «Ог!»
Воча равза: «Мун татысь, вош!
Олӧм вылас ме зэв на горш!»

Кусӧда керкаысь би.
Пондӧ шӧпкӧдны: «Ви асьтӧ, ви!
Тэнад ӧшиньыд некор оз ӧзйы».
Ёна шамыртӧ киӧс ки,
Лӧсйӧ-бытшйӧдлӧ гӧгӧрбок:
«Некод отсавнытӧ оз лок!

Йир асьтӧ, коньӧрӧй, йир.
Кытчӧдз гӧлӧсыд йӧйлӧн оз чир,
Сэтчӧдз омляв да ортсӧ вӧзйысь.
Помӧдз войтӧда юмов вир».

Лэдза рӧмпӧштанӧс — зиль-зёль,
Медым нинӧм оз коль —
Тэысь нинӧм оз коль,
Меысь нинӧм эз коль.