КӦТШПОМЫН

(Кӧдзвыв вӧлӧсьтын Сыктыв уездын)

Машиннӧй тӧварищество «Кокньӧдчӧм», узьӧм бӧрти, садьмис, кутчысис удж бердӧ. Удждысьӧ, босьтӧ сьӧм банкысь — машина лӧсьӧдӧм вылӧ. Банкыд эськӧ матын да, дыр тай, сьӧкыда лоӧ босьтнысӧ-а. Сьӧмыс (деньгаыс) сэні, буракӧ, пыдын, уна ӧдзӧс сайын, оз чукты другӧн...

Лыддьысян керкаын удж мунӧ омӧля, йӧз волывлӧ сӧмын дӧзмӧдчыны. Культурно-просвет. кружок частӧкодь сувтӧдалӧ спектакъяс. Спектактӧ йӧзыд ёна любитӧны-ошкӧны.

Ёна падмӧдӧны быд праздник код юра: мужикъяс да том йӧз. Пырасны сельсӧветӧ либӧ лыддьысян керкаӧ, увгӧны, матькӧны, грӧзитчӧны, кӧсйӧны нӧйтны кодӧскӧ. Волывлӧны тышкасьӧмӧдз. Сельсӧветлы да гражданалы колӧ кутчысьны удж бердӧ, медым сельсӧветын ни, лыддьысян керкаын ни шум да код юра йӧз эз вӧвны.

Лэбач.