ЧАССА ОЛӦМ (ЕМДІН УЕЗД)

Сельхозналог мынтӧма пӧшти ставсӧ мӧд срокысь.

Комитет взаимопомощилӧн сьӧмыс эм шайт 50 гӧгӧр; сьӧмысь ӧтдор Комитетлы крестьяна сетісны 20 десятина му да став чери кыян висъяс. Гожӧмсяньыс позьӧ виччысьны Комитетлысь бурджыка уджалӧм.

Лыддьысян керка бура уджавны вӧлисти на кӧсйӧ. Лэдзӧны стенӧ ӧшӧдан газет.

Неважӧн воссис гырысьӧс велӧданін (ликвидпункт). Медводдза велӧдан лунас 25 морт пыдди вӧлі локтӧмаӧсь 43 морт.

Потреб. Обществоын 171 шлен. Уджсӧ сылысь зэв ошкыны оз позь. Эмӧсь ковтӧм тӧваръяс, сэсся омӧля нуӧдӧ йӧзӧс югдӧдан удж.

Школа вӧлӧсьтын кык. Часса школаын челядьлы зэв дзескыд (тшыгӧм); та понда крестьяналӧн конференция шуліс исполкомлы лӧсьӧдны мӧд керка школа улӧ, да исполком век на мыйкӧ оз лӧсьӧд.

Час вӧлӧсьтӧ воӧны со кутшӧм газетъяс: «Известия ЦИК», «Беднота», «Югыд туй», «Крестьянская газета», «Безбожник», «Труд», «Голос работника», «Батрак», «Взаимопомощь», да «Кооперативное дело».

Позьӧ шуны, воддза серти Часын олӧм бурмис.

Селькор.