НЫВБАБАЛӦН ӦТУВТЧАН ЛУН

Садьмӧны сьӧкыд унмысь.

Сёськаын (Сыктыв уездын) нывбаба праздник коли тадзи: луннас вӧлі бабаяслӧн собранньӧ школаын. Висьталісны чолӧмбыттьӧяс, быд организацияысь. Сэсся вӧлі доклад: «Кыдзи тайӧ нывбаба праздникыс лои да мый колӧ думыштны бабалы тайӧ луннас».

Собранньӧ примитіс татшӧм резолюция: «Ми, Сёськаса нывбабаяс, талунъя лунӧ чукӧртчылім да казьтыштім ассьыным мездмӧм луннымӧс. Чуксалам мукӧд мувывса нывбабаясӧс вермасьны, шыблавны буржуйяслысь правительствонысӧ, ас кианыс босьтны власьтсӧ.

Та бӧрын окотитісны пырны комсомолӧ 4 ныв да партияӧ ӧти ань.

Рытнас вӧлі спектак — «Выль олӧмӧ». Ворсісны нывбабаяс (олӧма йӧз).

Тӧдчӧ нывбабаяс костын сьӧкыд унмысь садьмӧм.

А. Базова.