БУРА МУНӦМА МАРТ 8-ӧд ЛУН

Мӧскуа. Уналасянь СССР пасьтаысь воӧны юӧръяс март 8-ӧд лун празднуйтӧм йылысь. Уна пабрик-заводын, клубъясын восьталӧмаӧсь тайӧ лунӧ яслияс, челядь оланінъяс, уджалысь нывбабаяслы шойччигмоз пӧра коллявны вежӧсъяс (уголки работниц), сьӧкыд нывбабаяслы (беременным) бурдӧдчанінъяс, доктор-бабкаяскӧд сӧветуйтчанінъяс, мастерскӧйяс, шойччан керкаяс, верданінъяс уджтӧм нывбабаясӧс. Уналаын гажа (торжественнӧй) заседанньӧяс вӧлӧмаӧсь. Кӧнсюрӧ сетӧмаӧсь сьӧм нуӧдны вен нывбабаясӧс уджӧдтӧмысь. Уна уджалысь нывбаба пырӧмаӧсь партияӧ.