ЭГӦ ВУНӦДӦ

(Вочакыв Микаль Васьлы — «Югыд туй» газет № 35)

Поёл вӧлӧсьтын МОПР вежон дырйи служакъяс да ӧткымын крестьяна чукӧртісны капиталист государствоса тюрмаын пукалысь революционеръяслы сьӧм 13 шайт да 37 ур. МОПР-ӧ тайӧ вежоннас пырисны 35 морт. Ӧні став шленыс сэні 48 морт. Сэсся вузавлісны картинаяс, книгаяс МОПР йылысь, сыысь чукӧрмис 3 шайт. МОПР йылысь ёна висьтавлісны быд деревняын. Сувтӧдлісны деревняясын спектакъяс, сьӧмсӧ сетісны МОПР-ӧ.

Микаль Васьлы весьшӧрӧ оз ков шуны, мый Поёлса вунӧдісны, некод нинӧмӧн эз отсав революционеръяслы. Колі войдӧр тӧдмавны, вӧлисти сэсся гижны газетӧ.

Сіс.