ГӦРД ПӦВ ВЫЛӦ

ВИЗИНЫН (Сыктыв уездын) эм ӧти крестьянин И. А. Канов. Сійӧ омӧлика велӧдчӧм морт. Зэв зільӧ видз-му уджалӧм бурмӧдны. 12−15 воясӧн сійӧ вочасӧн куим переменаӧн му вӧдитӧмысь вуджис уна кӧдзаӧн вӧдитӧмӧ. Ӧні дас пӧлӧс кӧдзаӧн нин мусӧ ассьыс вӧдитӧ. Сылӧн муыс абу унджык мукӧд крестьянинысь — куим десятина кымын и эм. Канов ёрт аслас уджӧн унджык нянь босьтӧ дай йӧзлы петкӧдлӧ бурлунсӧ уна кӧдзаӧн му вӧдитӧмысь.

Мед эськӧ унджык вӧлі татшӧм видз-му уджалысьыс.

В. Р. С.