ВИДЗ-МУ УДЖАЛӦМ ЙЫЛЫСЬ ВЕЛӦДЧӦМ

Февраль тӧлысьын таво Визинын Сыктыв уездса Видз-му удж нуӧданін восьтыліс сельскокӧзяйственнӧй курсъяс. Кывзысьясыс курсъяс вылын вӧліны 22 морт, ставныс видз-му уджалысьяс. Унджыкыс на пиысь вӧліны том йӧз.

Видз-му уджалӧм йылысь кындзи курсъяс вылын висьтавлісны вель уна скӧт видзӧм йылысь, медся ёна йӧла мӧсъяс быдтӧм йылысь.

Велӧдысьяс — агроном Горохов, скӧт доктор Мухин да школаын велӧдысьяс Красильников да Дьяконов — зэв зілисны асланыс уджын.

Крестьяналы зэв воис сьӧлӧм выланыс курсъясыс. Колӧ эськӧ Коми муын быдлаын дай тшӧкыдджыка восьтывлывлыны татшӧм курсъяссӧ крестьянаӧс видз-му уджалӧм бурмӧдны чуйдӧдӧм вылӧ.

Курсъяс вылын кывзысь.