КӦДЗВЫВ (СЫКТЫВ УЕЗДЫН)

Волисполкомын уджыс мунӧ шӧркодя. Юралысь эськӧ коммунист да, удж бердас кыдзкӧ омӧля жӧ кутчысьӧ. Исполкомӧ пыралысь крестьянакӧд да крестьянкаяскӧд оз зэв лючки сёрнит, частӧ волӧ увгӧмӧдз-пинясьӧмӧдз. Самӧй Обласьтас эськӧ да, удж нуӧдан юкӧдъясас ветлӧ шоча — быттьӧ абу могыс.

Сельхозналог чукӧртӧма 80% гӧгӧр.

Волземкомиссиялӧн мунӧ судъяс. Босьтӧны, перйӧны му-видзсӧ, кодъяс асланыс трудӧн, мырсьӧмӧн оз уджавны. Босьтісны морт кызьлысь кымын нин. Сеталӧны, кодъяслысь босьтӧма видз-мусӧ, жалӧбаяс Обземотделӧ.

Мӧда-мӧдлы отсасян комитет уджалӧ шӧркодя. Сӧмын шленъясыс омӧля висьтавлӧны йӧзыслы, мый сійӧ комитетыс вайӧ бурсӧ. Колӧ отсасян комитетӧс тувччӧдны воськов-мӧд водзӧ.

Крестьяна олӧны ёнджыкасӧ му-видз уджалӧм вылын. Нянь во вуджны асланыс оз тырмы. Сы вӧсна лоӧ век бокысь уджалӧмӧн корсьны.

Лыддьысян керка — вит. Сьӧм сы вылӧ сетӧма 255 шайт. Юкӧма-разӧдӧма витнанас. Лыддьысьӧм, позьӧ шуны, омӧля на мунӧ. Ӧткымынысь лыддьысян керкаясӧ удайтчывлӧ волывлӧм оружйӧясӧн.