ВИСЕРЫН

(Кулӧмдін уездын)

Видз-му уджалӧм.

Крестьяна куим кӧдзаысь уна кӧдзаӧ му вӧдитны вуджны оз зільны. Найӧс чуйдӧдысьыс та вылӧ абу. Агрономъяс эз на волыны.

Вӧлӧсьтын эм кредитнӧй тӧварищество. Сэні шленыс 193 морт. Тӧвариществоса шленъяслы удждылӧм вылӧ Комисельбанклысь босьтӧма уджӧн сьӧмӧн 4261 шайт.

Налог мынтӧм.

Сельхозналог став вӧлӧсьтысь льготаяс сеталӧм бӧрын колӧ чукӧртны во гӧгӧр чӧжӧн 2288 ш. 31 ур. Ӧнӧдз налог чукӧрмис 1852 ш. 66 ур — 81% вогӧгӧрся налогысь. Налог мынтытӧм йӧз мӧд срок кежлӧ ньӧти абу. Став йӧзыс налог мынтӧны бура.

Страхӧвӧй сбор.

Страхӧвӧй сбор колӧ вӧлі мынтыны крестьяналы 166 ш. 58 ур. Тайӧ ставсӧ мынтӧма лои январ тӧлысьын медводдза лунъясас.

Селькор.