МЫЙЛА НӦ АБУ ӦТКОДЬ?

Саваягын (Кулӧмдін уездын) эм кооперативлӧн, Госторглӧн да Хлебопродуктлӧн лавкаяс. Сэні тӧваръяс вылӧ абу ӧти доныс. Сідз, кооперативын нянь пуд сулалӧ 3 шайт, Госторгын да Хлебопродуктын 2 шайт да 50 ур. Кооператив босьтӧ сьӧдбӧж ку 1 ш. да 60 урӧн, Госторг да Хлебопродукт — 2 шайтӧн. Обкомвнуторг, висьтав, мыйла сідзи, мыйла доныс тӧваръяс вылӧ абу ӧткодь? Сэсся кооперативыс, тыдалӧ, оз на сяммы тӧргуйтан удж бура сувтӧдны.

Синма-пеля.