ЧУКӦРТІСНЫ ЙӦЗӦС, ДА АСЬНЫС ЭЗ ЛОКНЫ

Межӧгын (Зӧвсьӧрт вӧлӧсьтын, Емдін уездын) ӧтчыд «масленича» вежонӧ сельсӧвет йӧзӧс корис собранньӧ вылӧ, корис вит час рыт кежлӧ. Колӧ вӧлі лоны доклад Обласьтувса кооперативъясса уполномоченнӧйяс собранньӧ йылысь. Сӧмын сельсӧветын уджалысьяс собранньӧ вылӧ асьныс эз локны. Кӧкъямыс час рыт нин, а на пиысь некод абу. Весиг доклад вӧчысьыс эз лок. Тыдалӧ, «масленича» лунъясыд найӧс ылӧдісны, мӧд «удж» вылӧ ыстісны. Йӧзыслы сідзи и лои разӧдчыны.

Со тай Сӧветъясын «уджалысьясыд», со тай Сӧветъясын удж «бурмӧдысьясыд», сӧветъяс удж бердӧ йӧзӧс «матысмӧдысьясыд»! Нокӧ, Межӧгса сельсӧветын уджалысьяс, мый шуанныд татчӧ?

Кодзув.