ОМӦЛИК КООПЕРАТИВ

Визябӧжын (Кулӧмдін уездын) инвалиднӧй кооперативын удж мунӧ зэв омӧля. Карын серти тӧвар зэв дона. Комитет взаимопомощи эз на и думыштлы видзӧдлыны сы вылӧ, кӧть сылы тшӧктылісны, кӧн вӧлі тшӧтш юралысьыс Усть‐Куломскӧй УККОВ-ысь, Канев ёрт. Сьӧмсӧ поводнӧя нин босьтӧма комитет взаимопомощисьыс.

Правленньӧ ни ревизионнӧй комиссия абу. Уджсӧ нуӧдӧ ӧтнас, кыдз кужӧ, вузасьысьыс. Кыдзи нӧ правленньӧыс вермас лоны, кор прамӧй шленыс толькӧ кык морт. Век на оз думайтны сюйны шленас мукӧдсӧ ни. Сы понда зэв омӧля йӧзыс видзӧдӧны кооператив вылас.

Ревизионнӧй комиссия абу жӧ. Лавкаас ревизияыс эз на вӧв, кӧть вӧлі сэтчӧс ячейка комсомоллӧн важӧн нин тшӧктӧма. Представительсӧ ӧнӧдз эз на вермывны корлыны ревизия вылас ни, правленньӧас собранньӧ вылас ни.

Вузасьысь юӧ.

Кор он аддзыв, вузасьысьыс пыр код, оз палявлы. Весиг вузасигас код овлывлӧ, тӧварсӧ оз путьмы сетавныс. Кыдзи нӧ вермас прамӧя удж мунны юигад, ӧтнаслӧн?

Дыр-ӧ нин сэні сійӧ пондас юны-а?

Гӧлиник кооперативтӧ вермас ещӧ дзикӧдз бырӧдны.

Визябӧжса.