КОМИ ТЕАТР

Март 1-ӧд лунӧ Педтехникумын (н. т.) велӧдчысьяс пуктісны «Райын».

Воддза воясся ворсӧмъяс аддзывлысьлы пыр тыдалӧ, кутшӧма водзӧ мунӧны велӧдчысьяс. Сцена вӧлі бура нин вӧчӧмаӧсь: декорация, паськӧм Нардомын кодь. Ворсӧм вын лӧсьыд жӧ. Сьылан ногъяссӧ (анделъяслысь) лӧсьӧдӧмаӧсь асьныс, вичко сьылан манерӧнджык, сійӧн ворсӧмыс лӧсьыдджык лоӧ.

Дерт, эз на ставыс шыльыда мун. Матьвей, тыдалӧ, сигудӧкнас омӧля кужӧ ворсныс, век «сё майбыр»-ӧс ворсіс; сэсся сьывнысӧ оз вермы. Анделлӧн бордйыс чегис (кабалаысь вӧчӧмаӧсь да). Мукӧдторъяс на уна сэтшӧмыс вӧлі. Велӧдчасны, бура пондасны ворсны!

Колӧ тшӧкыдджыка ворслыны коминас, ӧд велӧдысьяс лоӧны деревняын став уджсӧ нуӧдысьяс.

Колӧ велӧдчыны «Ловъя газет» комиӧн вӧчлыны, коми рытъяс. Рочӧн дорысь унджыкысь колӧ вӧчлывлыны: ӧд спектакль пуктӧмӧн велӧдчысьяс оз сӧмын асьнысӧ гажӧдны — найӧ велӧдчӧны деревняын уджавны.

Видзӧдысь.