АДДЗӦМА ЖӦ ӦД КРУКАСЯНТОР

Лондон (Англиялӧн столича). Англияса министр мукӧд государствояскӧд удж нуӧдысь (иностранных дел) Чемберлен асланыс государственнӧй думаын шуис: Сӧветса правительстволы пӧ колӧ нин тӧдны-гӧгӧрвоны: кытчӧдз сійӧ кутас отсавны Коминтернлы йӧз государствоясын революция вӧсна уджавны, сэтчӧдз СССР-а-Англияа костын оз артмы бура лӧсьӧдчӧм.

Тайӧ шуӧмыс лоӧма Чемберленлӧн со мый вӧсна: Коминтерн неважӧн чукӧстчыліс ставмувывса рабочӧйяс дорӧдз, медым найӧ кыдз-мый вермасны торкасны Египетса йӧзӧс (Англия кипод улын) нартитӧмысь, топӧдӧмысь.

Дерт эськӧ Чемберленыд зэв бура гӧгӧрвоӧ, Коминтерн уджалӧ дзик торйӧн Сӧвет правительствоын да, колӧ ӧд кытчӧкӧ кутчысьны да падмӧдны воддза Англияса правительствокӧд СССР-лысь лӧсьӧдчӧмсӧ. Ӧні Англияад озыр киын власьтыс да, абуджык любӧ миян рабочӧя-крестьяна правительствоыдкӧд матыстчыны.