СКӦТ ЛЕКАР

Визин карын эм скӧт лекар, Симаков. Скӧтӧс лечитӧ деревняясын кӧнӧвалъясысь омӧльджыка. Локтас деревняӧ, кытчӧ сійӧс корасны, да медвойдӧр ичӧтика юыштӧ (мед смелджык лоӧ). Сы бӧрын сувтас ен водзӧ да мыйяскӧ вашкӧдас — кевмысяс енлысь, мед сетас милӧсьт, сэсся вӧлисти лэччас карта вылӧ.

Скӧтлысь висьӧмсӧ кыдзкӧ и йӧз висьталӧм сертиыс тӧдмалас, но мый сійӧ висьӧмыс, кыдзи сійӧ лои и кыдзи лечитны — висьталӧ омӧля. Лечитчис. Пырас бӧр керкаӧ... «После праведных трудов пӧ юыштам». Крестьянин юкталӧ, быть ӧд юктав, сылы кажитчӧ, быттьӧ лекарыд ен сорӧн лечитӧ. Гажмас лекарыд да мӧдас больгыны: «Енмыд пӧ меным ыджыд отсӧг вайӧ, ентӧ пӧ оз на жӧ ков вунӧдны», сідз водзӧ...

Мед нин нӧ татшӧм «лекаръясыс» енлы кевмӧны асьныс, но мед эськӧ эз ылӧдлыны пемыд крестьянасӧ абутӧм ен милӧсьтнас.

Первой.