* * *

Шалсс... шалсс... чорыда тувччӧмӧн,
Восьлалӧ нюжалӧм турунӧд
Чарлаа морт.
Шарсс... шарсс... кӧйдыссӧ койӧмӧн
Уськӧдчӧ му вылас
Быгалӧм турун.

Шарсс... шарсс...
«Олӧмсӧ босьта,
Олӧмсӧ кӧдза,
Видзӧда бӧрлань,
Видзӧда водзӧ».
Шарсс... шарсс...

Шссс... шссс... Шӧпкӧдчӧ ва бердын
Тіралысь вижӧдӧм бадь,
Гылӧдӧ кор.
Шшуу... шшу... Шыасьӧ кыр йылын
Пӧрысьмӧм сус, ас гӧгӧр
Сынӧдсӧ вурӧ.

Шарсс... шарсс...
«Олӧмсӧ босьта,
Олӧмсӧ кӧдза,
Видзӧда бӧрлань,
Видзӧда водзӧ».
Шарсс... шарсс...

Шпуть-шпоть... руалӧм ва бердсӧ
Быглялӧ-шыльӧдӧ кӧдзалӧм юыслӧн гы,
Инсӧ оз тӧд.
Вуш-ваш... вашкӧдчӧ важыскӧд,
Колльӧдӧ гожӧмсӧ мездмӧдчӧм вой тӧв,
Уна оз лӧвт.

Шарсс... шарсс...
«Олӧмсӧ босьті,
Олӧмсӧ кӧдзи.
Видзӧді бӧрлань,
Видзӧда водзӧ».
Шалсс... шалсс...