* * *

Пӧчӧыс мыссьӧдӧ ичӧтик Машукӧс:
«Бласлӧкристос,
Видзас мед вомидзысь, висьӧмысь, омӧльысь
корӧся гоз».
Кисьтыштас юр вывсянь
киӧдыс-кокӧдыс
пу кӧшысь ва.
Шӧпкӧдас: «Шондіыс
зарниӧн юрситӧ
югдӧдӧма.

Вывлань коръявны,
Увлань вужъявны»...

Рытъявыв йӧвруыс верстяммӧм Машуклысь
гильӧдӧ кок.
Пӧчӧлӧн овсьӧма,
эштӧма быдлунся
олӧм да нок.
Выльмӧдӧм пывсянӧ петкӧдӧ
Машукыс
кык корӧсь гоз.
Зарниӧн югдӧдӧм нылуксӧ мыссьӧдӧ:
«Бласлӧкристос»...

Вывлань коръявны,
увлань вужъявны...