* * *

Тэа-меалӧн эм ӧти ю
Да керка.
Да енкола, код пыдӧстӧм
Да вевттӧм.
Эм иган-томан,
Эм и восьтанторйыс.
Но сӧмын ӧні тэа-меа —
Торйӧн.

Тэа-меалӧн эм ӧти здук
Да олӧм,
Эм ӧти гожся рыт,
Да помтӧм полӧм:
Мый миян костысь юсӧ
Ми ог вуджӧй,
Мый пыжӧ пуксяс морт пыддиыс
Вуджӧр.

Тэа-меалӧн эм куим кыв
Да вӧтъяс.
Эм чӧвлун,
Коді йитӧ ӧта-мӧдӧс.
И миян костӧ оз пыр кад
Ни морт.
Тадз овлӧ, кодыр аддзӧ
Ортӧс Орт.