* * *

А кор ывлаыс ланьтас
Да сынӧдас чӧвлун йиджас,
Сідзкӧ, бушколӧн регыд вартас.
Енмыс мед тіянӧс видзас.
_____

— Кывъяс усьӧны тэӧ,
Быттьӧ муӧ — кӧйдыс,
Рудзӧны тэӧ
Тувсовъя зэрӧн.
Тэ кӧ тані эн вӧв,
Кытчӧ ме кӧдзи?
Тэ кӧ тані эн вӧв,
Гашкӧ, ме верми
Выльысь артмӧдны тэнӧ,
Енэжысь лэдзны?

— Кывъяс быдмӧны меын,
Быттьӧ кӧйдыс — муын,
Пырӧны меӧ,
Быттьӧ муӧ — ваыс.
Сійӧс, мый быдмӧ да туӧ,
Оз аддзы синтӧммӧм кадыс.
_____

Кор бушколӧн мусӧ вевттяс,
Са пемыд войӧн да кӧдзыдӧн,
Нинӧм оз коль, сӧмын сійӧ,
Мый Тэӧн кӧдзӧма.