* * *

Кыкӧн кӧкӧны
Джуджыд кӧдж вылын.
Кӧмтӧмӧсь, ковтӧмӧсь:
Ӧтиыслӧн мыш саяс —
Нинӧм,
Ортыс орӧдчӧма,
Ордыс вунӧдчӧма.
Мӧдыслӧн мыш саяс —
Вунӧм,
Вуджӧрыс
Абу вуджӧма.
Кольӧма ӧтнас
Кипастӧм
Талаас.

— Таляссис туйным,
Уявсис. Воӧма пом.
Водзӧсӧ муннысӧ кужам-ӧ?
— Гашкӧ нӧ, вуджавлам?
Олӧмлы уджйӧзсӧ вештӧма,
Абу нин том.
Мӧдарас, гашкӧ, ми судзам на.

Кыкӧн вуджӧны
Паськыд ю вомӧн.
Пыжтӧмӧсь. Гажтӧмӧсь.
Воштӧны кок туйяс.
Вуштӧны важ мыжъяс.
Мыш саяныс — олӧм.
Вошӧны. Вошины.