* * *

Ме тэнӧ тайӧ олӧмсьыс,
Гашкӧ,
Ӧтчыдысь и аддзывлі,
Асъя руӧн ва веркӧсысь
Кайысь шудӧс.
Ме тэнӧ аслам нэм вылын,
Гашкӧ,
Ӧтчыдысь и кывлывлі,
Ӧтка кӧкӧн ю сайын
Кӧкысь
Муслунӧс.
Ме тэнӧ некор вемӧснас,
Гашкӧ,
Эг и лэдзывлы,
Сьӧд йирлӧн пыдӧс судзтӧм
Джуджыд шогӧс.

Ме ачымӧс на,
Гашкӧ,
Некор эг кывлы,
Эг аддзывлы,
Эг лэдзывлы
Да пыдӧстӧм енэжас
Некор эг судзлы.
Но мӧдӧдча туйӧ,
Медым кӧть ӧтчыдысь
Ас сьӧлӧм пыдӧсӧдз
Арся сьӧд зэрнас
Рудзны.