* * *

легзьӧм пиньяса важ
куранӧй,
йӧрӧй тырӧма шог
турунӧн
петав буса лӧскысь
олӧм суимас.
куртам мусӧ, васӧ,
помтӧм енэжсӧ,
разьлам топыд гӧрӧд —
вӧтсӧ-вемӧссӧ

легзьӧм пиньяс пырыд
лэдзам турун-вурун.
мулы шуам нимкыв:
«шойччы бура».

легзьӧм пиньяс пырыд
лэдзам асъя сынӧд,
мича лун мед пуксяс,
олӧм вына.

легзьӧм пиньяс пырыд
лэдзам визув юсӧ,
медым ыркӧдыштас
му вывсӧ и увсӧ.

легзьӧм пиньяс пырыд
лэдзам ӧзйысь кыа,
медым шудлӧн шыыс
сюрас миян тывйӧ.