* * *

Кыдзи шулісны пӧрысь йӧз:
Ставыс олӧмын сьӧрсьӧн-бӧрсьӧн.
Кыйсьысь мортлы кӧ — сьӧла гоз,
Ыджыд коз улын войкола ноддя,
Корсьысь мортыдлы сюрӧ корсьӧм,
Паськыд туй да мича поводдя.

Мортлӧн ас туй оз кокниа шед,
Сійӧс виччысьӧ быдсяма мытшӧд.
Кодыр сӧнъяссӧ ассьыс оз зэвт,
Кодыр ас киӧ ставсӧ оз шамырт,
Оз ло туй вылас некутшӧм личӧд —
Тадзи артмӧма олӧмас ставыс.

Мортлӧн олӧмыс — паськыд ю,
Сӧмын пыжнымӧс бӧръям асьным,
Медым визулыс пыж оз ну,
Кодкӧ сынас. А кодкӧ лэдзас.
Ён кӧ пыж, сійӧс гы оз пасьварт,
Ён кӧ морт, сылӧн тырмас эбӧс,
Ён кӧ морт, сійӧ быдтор венас.