* * *

ойдӧм юяс —
быттьӧ дойлӧн ыджыд чуман.
шемӧс, чуймӧм:
кыдзи ытва,
коді босьтӧ
садьмӧм муяс вылысь лӧпсӧ,
синсӧ восьтӧ,
сэсся нуӧ
пыжтӧмакӧд^Пыжтӧмаяс — мунӧм ловъяс, кодъяс вермӧны ытва дырйи волывлыны ловъяяс дорӧ да нуны налысь шогъяссӧ, важмӧм олӧмыслысь кышсӧ, аскӧдныс./^
олысьяслысь курыд шогсӧ
ылі муӧ, тӧдтӧм муӧ.

ыджыд ытва...
быттьӧ кодкӧ олӧм панӧ
быд во выльысь:
важмӧм шудсӧ
пӧдтас ваыс,
нуас гыас.
сӧмын кытчӧ
нуӧдасны пыжтӧмаяс важмӧм олӧм?
ытва оз тӧд,
сӧмын шуӧ:
тадзи колӧ...