* * *

Чолӧм.
Уна во да уна лун олім,
Аддзысьлытӧг,
Ӧта-мӧдкӧд чӧла,
Сӧмын кадлӧн
Ичӧт здук
кежлӧ
Тайӧс вежлам.

Олӧм.
Кыдзи артмис тэнад,
Ёрт, олӧм?
Юала, кӧть вочакывйысь
пола.
Чайті, сьӧлӧм оз нин казьтыв
тэнӧ.
Мӧд ног, вӧлӧм.

Сэсся
Ме тэд висьтала,
Кыдз ола-песся,
Кыдзи важ кад
важӧн мен
Дзик веськодь.
Эскан?

Олӧм.
Аски лоӧ быдӧнлӧн ас
Олӧм.
Бипур кусас, эштас вӧт,
Но ме
пола,
мый и кызь во мысти
Тэ
Тадз жӧ волан,
шуан:
«Чолӧм».