* * *

Пуяс вужъясьӧны енэжас,
А ми вошим вӧтас-вемӧсас.
А ми торким олӧм котӧртӧм
Да эг воӧй бӧр.

Миян пыжным олӧм ю шӧрын.
Ми ва шӧрас, быттьӧ кытшолын,
Быттьӧ пышйим-кывтім тӧждъясысь,
Сӧмын мӧжгыссис.

Бӧр ог воӧй и ог мездысьӧй,
Тӧдтӧм енъяслы ог кевмысьӧй.
Быттьӧ сӧмын юлӧн веркӧсыс
Ставсӧ бергӧдас.

Юыс путкыльтчӧма енэжас,
А ми вошим вӧтас-вемӧсас,
Миян кадыс вӧлі уна-ӧ?
Ставыс вунӧма...