* * *

Ми кӧ — нимтӧмаяс,
Мед йӧлӧганас
Юяс сайысь ваяс
Быдӧнлы ас ним.

Ми кӧ — горттӧмаяс,
Мед векньыд туйыс
Кокъяснымӧс нуас
Да сетас ловлы ин.

Ми кӧ — синтӧмаяс,
Мед зарни шонді
Кыа ломтас
Да восьтас син.

Ми кӧ — пельтӧмаяс,
Мед кӧкыс кӧкас
Мӧдлапӧлас
Важ кывъя сьыланкыв.

Ми кӧ — вужтӧмаяс,
Мед важмӧм пожйыс
Пожналас
Выльпӧръя оланног.

Ми кӧ — вунӧмаяс,
Мед олӧм тӧлыс
Бушков бӧрын сетас
Чӧвлун
Да нуас шог.