* * *

Быттьӧ кытчӧ он видзӧдлы —
Гӧгӧр еджыд. И еджыд, и еджыд,
Кадыс едждӧма. Кадыс — лым.
Быттьӧ кытчӧ он видзӧдлы —
Кадыс этша. И этша, и этша.
Кадыс — гежмӧма. Кадыс — кын.
Быттьӧ кытчӧ он видзӧдлы —
Гӧгӧр сёрни. И сёрни, и сёрни.
Сёрни — сынӧдас, сынӧд — сук.
Быттьӧ кытчӧ он видзӧдлы —
Гӧгӧр сёрмим. И сёрмим, и сёрмим,
Воӧн лоӧма ӧти здук.
...Воыс помасьӧ. Быттьӧ эз вӧвлы.
Воыс — пӧрысьмӧ, воштӧ вын.
Воыс пӧртмасьӧ еджыд рӧмӧн.
Кадыс воӧма, кадыс — кын.