* * *

— тан кодкӧ эм на,
ме кындзи?
ме пыжтӧг васӧ вуджи,
ёна мудзи.
ме келі-келі,
сӧмын ва дорас эг велав,
ме кӧдзыд васьыс петі
мӧдлапӧлӧ.
зэрӧ.

ме бипур ӧзта,
сӧмын тай оз ӧзйы,
ме пессӧ тэча,
гашкӧ, йирмӧг
лэдзас?
тан кодкӧ эм на?
юасьӧмӧн кевма...

— тан некод абу.
тані — сӧмын енэж
да енэж пыдӧс зыртысь
тшӧттӧм кодзув.
эн ёна кевмысь,
тэ ӧд тӧдін водзвыв,
мый мӧдлапӧлас —
шемӧсмӧдысь нинӧм:
ни би, ни ва, ни лов,
ни нянь, ни сов,
ни пуысь,
ни тэнӧ нимӧн
шуысь.

— тан кодкӧ лоас?
— лоас.
кор выльлӧн горыс
таладорас
воас.