* * *

Жугалӧма. Разьсьӧма. Киссьӧма.
Шудыс пыдди шог вурун
Нистыссьӧма.
Печкӧм-вурӧм пыддиыс
Резьӧдсьӧма-вундассьӧма.
Вӧвлӧмторсӧ вунӧдсьӧма.
Узьсьӧма.

Палялан. Кадыс воас да,
Дыр мысти, палялан.
Унмыс разалас.
Тыдовтчас,
Мый тальӧма.
Мыйта абу пуктӧма-петӧма,
Мыйта абу босьтӧма-сетӧма,
Абу нуӧма-вайӧма.

Казявны. Мунан туйсӧ велалан
Казявны.
Олӧм шӧртысь гӧрӧдъяс мед
Разявны.
Медым кӧнкӧ енэж пыдӧсас
Енъясыс
Ми коддьӧмас эскыны
Вермисны.