* * *

«Шыр кывтӧ-катӧ,
Катша кӧя пыжа.
Кыркӧтш дорсӧ сыныштӧ,
Лыа дорсӧ зібйыштӧ».

Ми, гашкӧ, тайӧ
Сир сьӧд ва весьтас,
Кыдз горттӧм шыръяс.
И кусӧмаӧсь важӧн пачьясным,
Да пусьӧма нин важӧн
Катша шыдыс.

Ми кывтам-катам пемыдас,
И катша кӧя пыжсӧ
Оз шыбит-жугӧд берегас,
А водзӧ нуӧ мыжсӧ.
А сьӧлӧм сайын
Шырлӧн лов — лёк вуджӧр
Лэчтӧ гыжсӧ.

Ми, гашкӧ, тайӧ ва весьтас
Нэм чӧжъяс кывтам-катам,
И кыркӧтш дорсӧ сыныштам,
И лыа дорсӧ зібйыштам,
И коркӧ мӧдлапӧвсьыс друг
Би казялам.
Да керка-карта.